Back Carl XVI Gustaf AMI Carlos XVI Gustavo de Suecia AN Carl XVI Gustaf Swēona Cyning ANG كارل السادس عشر غوستاف Arabic كارل الستاشر جوستاف ملك السويد ARZ Carlos XVI Gustavo de Suecia AST XVI Karl Qustav Azerbaijani اوْن‌دؤردونجو کارل قوستاف (سوئد) AZB Карл XVI Густаў Byelorussian Карл XVI Густаў BE-X-OLD

Carl XVI Gustaf van Swede

Carl XVI Gustaf
Koning van Swede
Koning Carl XVI Gustaf, 2023.
Koning Carl XVI Gustaf, 2023.
Periode 15 September 1973 – hede
Voorganger Gustaf VI Adolf
Opvolger Kroonprinses Victoria
Huis Bernadotte
Eggenote Silvia
Kinders Victoria
Carl Philip
Madeleine
Vader Gustaf Adolf
Moeder Sibylla van Sakse-Koburg en Gotha
Geboortenaam Carl Gustaf Folke Hubertus
Gebore 30 April 1946 (1946-04-30), Solna

Carl XVI Gustaf (Carl Gustaf Folke Hubertus; gebore op 30 April 1946) het op 15 September 1973 ná die afsterwe van sy oupa koning Gustaf VI Adolf die Sweedse troon bestyg. As koning van Swede dien hy ook as die land se konstitusionele staatshoof. Hy is die sewende koning van die Huis van Bernadotte op die Sweedse troon.

Koning Carl XVI Gustaf en koningin Silvia in 2010 op hulle oudste dogter, prinses Victoria, se troue.

Hy is die jongste kind en enigste seun van prins Gustaf Adolf, hertog van Västerbotten, en prinses Sibylla van Sakse-Koburg en Gotha. Sy vader is op 26 Januarie 1947 in 'n vliegtuigongeluk in Denemarke oorlede toe Carl Gustaf nege maande oud was. Hy het die tweede aanspraakmaker op die troon geword ná sy oupa, toe kroonprins Gustaf Adolf. Ná die dood van sy oupagrootjie koning Gustaf V in 1950 het Gustaf Adolf die troon bestyg en het Carl Gustaf op vierjarige ouderdom Swede se nuwe kroonprins geword.

Kort nadat Carl XVI Gustaf in 1973 koning geword het, het nuwe wette van krag geword wat hom van sy oorblywende uitvoerende mag gestroop het. Hy voer dus nie meer baie van die pligte uit wat verbind word met 'n staatshoof nie, soos die amptelike aanstelling van die premier, die ondertekening van wette en om bevelvoerder van die weermag te wees nie. Die nuwe wetgewing beperk hom tot seremoniële pligte en om gereeld oor staatsake ingelig te word. As hoof van die Huis van Bernadotte neem Carl Gustaf ook sekere besluite oor die titels en posisies van die lede daarvan.

Nadat 'n nuwe wet op 1 Januarie 1980 aanvaar is waarvolgens afstand gedoen word van opvolging volgens manlike eersgeboortereg,[1] is die koning se regmatige opvolger Victoria, die oudste dogter van hom en sy vrou, koningin Silvia. Voor die aanvaarding van dié wet was prinses Victoria se jongste broer, prins Carl Philip, ná sy geboorte in Mei 1979 kortliks die regmatige troonopvolger.

Carl XVI Gustaf is die koning in die Sweede geskiedenis wat die langste regeer, nadat hy op 26 April 2018 koning Magnus IV se bewind van 44 jaar en 222 dae verbygesteek het.[2]

  1. ↑ Artikel deur die Sweedse Instituut, 15 Junie 2018
  2. ↑ "King Carl XVI Gustaf now Sweden's longest-reigning monarch". 26 April 2018. Besoek op 29 Mei 2018.

Developed by StudentB